Right part:

hezec: mefāʿīlün ‑ mefāʿīlün ‑ mefāʿīlün ‑ mefāʿīlün

1 Dişüñ luʾluʾ lebüñ mercān ruḫuñ baḥr‑i melāḥatdür
İki ẕülfüñ neheng ol baḥre qaşuñ mevc‑i āfetdür

2 Ṣırāṭuñ ʿaynıdur qaşuñ ṣaçuñda ḥaşr olur diller
Ṣorarsañ ben güneh‑kāra o qāmet ḫod qıyāmetdür

3 Diyār‑i ḫayretüñ [!] Mecnūn şeh‑i ṣāḥib‑külāhıdur
K’anuñ başında quşlar āşiyānı tāze devletdür

4 Yaşum qan revān oldı başumdan ʿaql‑i kül gitdi
Cihān aġyārdan ḥālī gelürseñ ḫāne ḫalvetdür

5 Ḥayālī [!] devlet el vėrdi diyār‑i ʿışqa şāh olduñ
Otaġum başum üstinde hümā‑yi evc‑i ʿizzetdür

Left part:

hezec: mefāʿīlün ‑ mefāʿīlün ‑ mefāʿīlün ‑ mefāʿīlün

1 Cihān‑ārā cihān içindedür araʾı bilmezler
O māhīler ki deryā içredür deryāʾı bilmezler

2 Ḫarābāt ehline dūzaḥ [!] ʿaẕābın añma ey zāhid
Ki bunlar ibn‑i vaqt oldı ġam‑i ferdāʾı bilmezler

3 Şafaq‑gūn qan içinde dāġını seyr ėtse ʿāşıqlar
Güneşden ẕerre görmezler felekden ayı bilmezler

4 Çemende qadlerine rişte‑i āhı ṭaqub bunlar
Atarlar tīr‑i maqṣūdı nedendür yāʾı bilmezler

5 Ḥayālī [!] faqr şālına çekenler cism‑i ʿuryānı
A[nu]ñ‑la faḥr [!] ėderler aṭlas‑i dībāʾı bilmezler